Մաքրում, ախտահանում և օդափոխություն

Եթե Ձեր հաստատությունում վերջին 24 ժամվա ընթացքում գտնվել է հիվանդ կամ COVID-19-ի թեստի դրական պատասխան ստացած անձ, պետք է մաքրել և ախտահանել նրանց զբաղեցրած տարածքները:

Մինչև մաքրելն ու ախտահանելն անհրաժեշտ է`

• Հիվանդի գտնվելու տարածքներում դադարեցնել աշխատանքները և չօգտվել այդ տարածքներից մինչև դրանց մաքրելն ու ախտահանելը: 

Մաքրելու և ախտահանելու ընթացքում

• Տարածքում օդափոխությունը ապահովելու նպատակով բացել դռներն ու պատուհանները և միացնել օդափոխիչները: 
• Ախտահանող միջոցներն օգտագործել՝ համաձայն դրանց կից հրահանգների:
• Տարածքը մաքրելիս և ախտահանելիս կրել դիմակ ու ձեռնոցներ:
• Առաջնահերթ մաքրել և ախտահանել այն տարածքները որտեղ արձանագրվել է  COVID-19-ով հիվանդության դեպք:
• Չի պահանջվում COVID-19-ով վարակված անձանց հագուստը լվալ առանձին:
• Ապահովել մաքրող և ախտահանող միջոցների անվտանգ պահպանումն ու ճիշտ օգտագործումը:
• COVID-19-ով հիվանդի տարածքը պետք է մաքրել և ախտահանել 24 ժամվա ընթացքում: 24 ժամից ավել անցնելու դեպքում, կարելի է միայն մաքրել: Կարելի է տարածքը նաև ախտահանել` կախված որոշակի պայմաններից կամ տվյալ հաստատության կողմից սահմանված կանոնակարգից:
• Եթե վարակված կամ COVID-19-ով ախտորոշված անձի՝ տարածքում գտնվելու պահից անցել է 3 օրից ավելի, լրացուցիչ մաքրման (կանոնավոր մաքրումից բացի) կարիք չկա:

Եթե տանը վարակված անձ կա, մաքրեք և ախտահանեք տունը

հիվանդին մեկուսացրեք լավ օդափոխվող սենյակում²: 

Սահմանափակեք հիվանդի խնամակալների թիվը, ընտրեք խնամող մեկ անձ, ով առողջ է, չունի ուղեկցող հիվանդություններ:

Այցելուներ մի ընդունեք,

ընտանիքի այլ անդամները պետք է գտնվեն այլ սենյակում կամ, եթե դա հնարավոր չէ՝ պահպանեք հիվանդից առնվազն 1մ հեռավորություն: Բացառություն են կերակրող մայրերը: Հաշվի առնելով կրծքով կերակրման առավելությունները և կրծքի կաթի աննշան դերն այլ շնչառական վարակների փոխանցման հարցում, մայրը կարող է շարունակել կրծքով կերակրելը՝ կրելով բժշկական դիմակ, երբ նա գտնվում է իր երեխայի մոտ և նախքան սերտ շփումը լվանալով ձեռքերը:

Սահմանափակե՛ք հիվանդի տեղաշարժը տանը և նվազագույնի հասցրեք համատեղ տարածքների օգտագործումը: Ապահովե՛ք ընդհանուր տարածքների (խոհանոցը, բաղնիքը) օդափոխությունը (բացեք պատուհանները),

Հիվանդի հետ նույն սենյակում գտնվելիս կրե՛ք բժշկական դիմակ, որը լավ հարմարեցված է և ծածկում է դեմքը: Օգտագործման ընթացքում չի կարելի դիպչել դիմակին: Եթե դիմակը խոնավանում է կամ կեղտոտվում է, այն պետք է անմիջապես փոխել: Օգտագործելուց հետո դիմակը պետք է գցել աղբամանը, որից հետո լվանալ ձեռքերը,

Լվացե՛ք ձեռքերը հիվանդի կամ նրա իրերի հետ ամեն շփումից հետո: Ձեռքերը պետք է լվանալ նաև սնունդ պատրաստելուց առաջ և հետո, ուտելուց առաջ, սանհանգույցից օգտվելուց հետո և հատկապես, երբ ձեռքերը տեսանելիորեն աղտոտված են: Եթե ձեռքերը տեսանելիորեն կեղտոտ չեն, կարելի է կիրառել ալկոհոլային հիմքով ձեռքի ախտահանիչ: Երբ ձեռքերը տեսանելիորեն կեղտոտ են անպայման լվացեք ձեռքերը օճառով և ջրով: Ալկոհոլային հիմքով միջոցներ կիրառելիս հաշվի առեք դրանց վտանգները (օրինակ՝ հանկարծակի ներքին ընդունում, հրդեհ),

Օճառով լվանալուց հետո ձեռքերը չորացրեք միանգամյա օգտագործման թղթե սրբիչով/անձեռոցիկով: Եթե դրանք մատչելի չեն, ապա կիրառեք առանձին սրբիչներ և խոնավալանուն պես փոխարինեք նոր սրբիչով,

Պահպանեք շնչառական հիգիենան: Շնչառական հիգիենան հազի կամ փռշտոցի ժամանակ բժշկական դիմակով, կտորի դիմակով, անձեռոցիկով կամ ծալած արմունկով բերանը և քիթը ծածկելն է, որից հետո պետք է պարտադիր լվանալ ձեռքերը, 

Բերանը և քիթը ծածկելու համար օգտագործված միջոցները գցեք աղբամանը կամ օգտագործելուց հետո պատշաճ լվացեք (թաշկինակները լվանալ օճառով կամ լվացքի փոշիով),

Խուսափեք հիվանդի արտազատուկների հետ անմիջական շփումից, մասնավորապես` խորխի և կղանքի հետ: Օգտագործեք միանվագ օգտագործման ձեռնոցներ հիվանդի արտազատուկների հետ գործ ունենալիս, կղանքը, մեզը և այլ թափոնները հեռացնելիս: Ձեռնոցները հանելուց առաջ և հետո լվացեք ձեռքերը,

Ձեռնոցները, թղթե անձեռոցիկները, դիմակները և հիվանդի խնամքի արդյունքում առաջացած այլ թափոնները պետք է պահել հիվանդի սենյակում փակ կոնտեյների մեջ, այնուհետև հեռացնել տնից ընդհանուր աղբի հետ մեկտեղ,

Խուսափեք հիվանդի կողմից օգտագործված իրեր/պարագաներ օգտագործելուց (ատամի խոզանակ, ծխախոտ, սպասք, ուտելիք, խմիչք, սրբիչ, լվացարան կամ սպիտակեղեն): Սննդի սպասքը հարկավոր է լավ լվանալ օճառով և ջրով՝ կրկին օգտագործելուց առաջ,

Բոլոր մակերեսները (անկողնային սեղաններ, մահճակալներ և ննջասենյակի այլ կահույք) ամեն օր մշակեք կենցաղային ախտահանող քլոր պարունակող նյութերով: Ախտահանող նյութի նոսրացումը պետք է կազմի 1:99 (1 մաս քլոր պարունակող նյութ - 99 մաս ջուր) հարաբերակցությամբ,

Բաղնիքի և զուգարանի մակերեսներն ամեն օր մշակեք կենցաղային ախտահանող քլոր պարունակող նյութերով: Ախտահանող նյութի նոսրացումը պետք է կազմի 1:99 (1 մաս քլոր պարունակող նյութ:99 մաս ջուր) հարաբերակցությամբ,

Հիվանդի հագուստը, գիշերանոցները, բաղնիքի և ձեռքի սրբիչները և այլն լվացեք օճառով կամ լվացքի փոշիով 60–90°C ջերմաստիճանի պայմաններում և հետո լիարժեք չորացրեք: Աղտոտված սպիտակեղենը նախապես տեղադրեք լվացքի տոպրակի մեջ: Աղտոտված սպիտակեղենը մի թափահարեք և խուսափեք մաշկի և հագուստի հետ անմիջական շփումից,

Մակերեսները մաքրելիս և աղտոտված սպիտակեղենը մշակելիս օգտագործեք միանվագ օգտագործման ձեռնոցներ և պաշտպանիչ հագուստ (օրինակ՝ պլաստիկ գոգնոց): Ձեռնոցները հանելուց առաջ և հետո լվացեք ձեռքերը:

Հնարավորության դեպքում, վարակված մարդուն հարկավոր է հատկացնել առանձին ննջասենյակ և լոգասենյակ²: 

Աղբի հետ առնչվելիս

• Վարակված անձի համար օգտագործել առանձին, փակվող աղբաման:
• Աղբի տոպրակները հեռացնելիս, վերցնելիս և աղբը թափելիս հագնել ձեռնոցներ:
• Աղբը թափելուց հետո լվանալ ձեռքերը:

Երբ հիվանդն ապաքինվել է. տունը մաքրելն ու ախտահանելը

Եթե այլևս կարիք չկա, որ նախկինում հիվանդ անձը մեկուսանա`

Մաքրելուց և ախտահանելուց առաջ սպասել հնարավորին չափ երկար (առնվազն մի քանի ժամ)²:

• Եթե 24 ժամը չի լրացել, հիվանդի օգտագործած տարածքները (օրինակ` ննջարանն ու լոգարանը) մաքրել և ախտահանելիս, կրել դիմակ, օդափոխել՝ բացելով պատուհանները և ախտահանիչ միջոցները օգտագործել՝ պահպանելով անվտանգության կանոնները:
• 3 օր անց հիվանդի օգտագործած տարածքը պետք է մաքրել ըստ անհրաժեշտության: