COVID-19-ին վերաբերող միֆեր

• Կարո՞ղ է ալկոհոլ օգտագործելը կանխել COVID-19-ը

  Փաստ. Իհարկե, ո՛չ: Ալկոհոլի օգտագործումը չի պաշտպանում COVID-19-ից և կարող է վտանգավոր լինել: Ալկոհոլի չարաշահումը առաջացնում է առողջական խնդիրների զարգացման ռիսկ: 

  
• Թվային ջերմաչափերը կարո՞ղ են 100%-ով արդյունավետ լինել COVID-19-ով վարակված մարդկանց հայտնաբերման գործում:

  Փաստ. Նման սարքերը չեն հայտնաբերում COVID-19 վարակի առկայությունը, դրանք արդյունավետ հայտնաբերում են բարձր ջերմաստիճանը, իսկ բարձր ջերմաստիճանի պատճառները կարող են բազմաթիվ լինել: Ջերմության բարձրացման դեպքում դիմեք համապատասխան բժշկական կազմակերպություն:  

• Կարո՞ղ են ախտահանման համար օգտագործվող ուլտրամանուշակագույն ճառագայթային լամպերն օգտագործվել մեր մարմնի վրա եղած COVID-19-ի վիրուսը ոչնչացնելու համար:

  Փաստ. Ուլտրամանուշակագույն ճառագայթային լամպերը չի կարելի օգտագործել ձեռքերի կամ մարմնի այլ մասերի ախտահանման համար: Ուլտրամանուշակագույն ճառագայթները կարող են վնասակար ազդեցություն ունենալ մաշկի և աչքերի վրա: 

• Հնարավո՞ր է օրգանիզմի ներսում գտնվող վիրուսը սպանել`մարմնի վրա ցողելով ալկոհոլ կամ քլոր պարունակող հեղուկ:

  Փաստ. Ո՛չ: Բացի այն, որ այդպես հնարավոր չէ սպանել օրգանիզմում գտնվող վիրուսը, կարող եք վնասել հագուստը, աչքերը և մաշկը: 

• Սխտոր օգտագործելը կարո՞ղ է կանխել COVID-19-ը:

  Փաստ. Սխտորը օգտակար է, այն ունի որոշակի հակամանրէային հատկություններ, սակայն համավարակի ժամանակ չեն հայտնաբերվել փաստեր, որոնք վկայում են սխտորի COVID-19 հիվանդության կանխարգելման մասին: 

  
• Քիթը պարբերաբար աղի լուծույթով ողողելը կարո՞ղ է կանխել COVID-19-ը:

  Փաստ. Այս մեթոդը չունի ոչ մի ապացուցահեն հիմնավորում, և բժշկության մեջ չկա նման ցուցում:

  
• Արդյո՞ք գոյություն ունեն COVID-19 բուժող դեղամիջոցներ:

  Փաստ. Ներկայում հիվանդությունը բուժող դեղամիջոցներ չկան: Հիվանդները պետք է համապատասխան և օժանդակ բուժում ստանան՝ ախտանիշները մեղմելու համար: 

  COVID-19 բուժվող հիվանդություն է: Նոր կորոնավիրուսով վարակվելը դեռ չի նշանակում, որ մարդը մնում է ցմահ վիրուսակիր: Վարակվածների մեծամասնությունն ապաքինվում է և վիրուսը դուրս է բերվում օրգանիզմից: Վարակվելու դեպքում անհրաժեշտ է դիմել համապատասխան բժշկական կազմակերպություն և ստանալ բուժում:  

• Կարո՞ղ են վիտամինային ու հանքային հավելումները բուժել COVID-19-ը:

  Փաստ. Այնպիսի միկրոէլեմենտները, ինչպիսիքն են վիտամին D, վիտամին С և ցինկը, շատ կարևոր նշանակություն ունեն իմունային համակարգի նորմալ գործունեության համար և կենսական կարևոր նշանակություն ունեն առողջությունը պահպանելու համար: Տվյալ պահի դրությամբ  COVID-19 բուժման նպատակով միկրոէլեմենտների օգտագործման վերաբերյալ տվյալներ չկան:   

  
• Հնարավո՞ր է հակաբիոտիկներով կանխել կամ բուժել COVID-19-ը:

  Փաստ. Ո՛չ, հակաբիոտիկները չեն ազդում վիրուսների վրա, դրանք արդյունավետ բուժում են միայն մանրէային վարակները: COVID-19 հարուցիչը վիրոս է, հետևաբար, հակաբիոտիկները պետք չէ օգտագործել կորոնավիրուսային վարակի կանխարգելման և բուժման նպատակով: Այնուամենայնիվ, COVID-19  ախտորոշումով հիսպիտալացված հիվամդներին կարող են նշանակվել հակաբիոտիկներ՝ ուղեկցող մանրէային վարակների բուժման նպատակով: 

  
• Կարո՞ղ է COVID-19-ը փոխանցվել վարակի բարձր տարածման փուլում գտնվող երկրներում արտադրված ապրանքների միջոցով:

  Փաստ. Չնայած վիրուսը կարող է մակերեսներին մնալ ժամեր շարունակ, սակայն փոխադրման ընթացքում միջավայրի ազդեցությունը, տեղափոխումն ու ջերմաստիճանի տատանումները խոչընդոտում են վիրուսի ակտիվությանը: Եթե այնուամենայնիվ, կա մտավախություն, որ մակերեսը կարող է ախտահարված լինել, հարկավոր է այդ առարկաները մաքրել ախտահանող միջոցներով և դրանց ձեռք տալուց հետո լվացվել: 

• COVID-19-ը կարո՞ղ է տարածվել մոծակների միջոցով:

  Փաստ. Նոր կորոնավիրուսը չի փոխանցվում մոծակների միջոցով: Այն ռեսպիրատոր վիրուս է, որը հիմնականում փոխանցվում է օդա-կաթիլային ճանապարհով, այսինքն, հազալու կամ փռշտալու ժամանակ  վարակված մարդու շնչուղիներից դուրս եկած կաթիլները ներշնչելիս: Պաշտպանվելու համար անհրաժեշտ է պահպանել հեռավորություն, ինչպես նաև պահպանել անձնական և ռեսպիրատոր հիգիենայի կանոնները: 

• Ցուրտ եղանակն ու տեղումները կարո՞ղ են սպանել COVID-19 հարուցող վիրուսը:

  Փաստ. COVID-19-ի համավարակի ողջ ժամանակահատվածում (1 տարի 11 ամիս) չի նկատվել ոչ մի օրինաչափություն  վարակի տարածման ու եղանակային առանձնահատկությունների մեջ: Համավարակը գրանցվել է ինչպես հյուսիսային, այդպես էլ արևադարձային երկրներում:

• Ճի՞շտ է արդյոք, որ COVID-19-ը տարածվում է ցուրտ և ոչ շոգ կամ խոնավ կլիմայական պայմաններում:

  Փաստ. COVID-19-ով կարելի է հիվանդանալ անկախ եղանակից, վիրուսը տարածվում է ցանկացած կլիմայական պայմաններում և պաշտպանվելու համար խորհուրդ է տրվում հետևել անձնական հիգիենայի կանոններին` հաճախ լվանալ ձեռքերը, դիմակ կրել, փռշտալիս և հազալիս ծածկել բերանը: Իսկ ամենաապահովը մարդ իրեն կարող է զգալ, եթե պատվաստված լինի:

  
• Ինչպե՞ս կարող ենք համոզվել, որ հագուստի միջոցով COVID-19 չենք տարածում:

  Փաստ. Ամեն օր լողանալուց բացի, անհրաժեշտ է լվանալ հագուստը՝ 60-90 °C տաք ջրում, լվացքի միջոցների կիրառմամբ կամ սպիտակեցնող նյութ ավելացնելով։ Այնուհետև, հարկավոր է չորացնել դրանք չորանոցում՝ բարձր ջերմության պայմաններում կամ արևի տակ: