COVID-19-ի ի՞նչ տարբերակներ են շրջանառվում Հայաստանում

 Առողջապահության համաշխարհային կազմակերպության (ԱՀԿ) տվյալների համաձայն՝ աշխարհում դիտվում է COVID-19-ով պայմանավորված հիվանդության դեպքերի աճ, իսկ եվրոպական տարածաշրջանում՝ նաև հոսպիտալացումների աճ, ինչը պայմանավորված է Օմիկրոնի մի շարք ենթատեսակներով:

 Ներկայում հիմնական շրջանառվող շտամներն են՝ «Հսկողության տակ գտնվող» BA.2.86 (Պիրոլա) տարբերակը և «Հետաքրքրություն ներկայացնող» EG.5 (Էրիս) տարբերակը։

 Հայաստանում շրջանառվում են XBB.1.5 (Կրակեն), XBB.1.16 (Արկտուրուս) տարբերակները, ինչպես նաև առաջին անգամ հայտնաբերվել է EG.5 (Էրիս) տարբերակը: Աշխարհում առաջին անգամ այս տարբերակի մասին զեկուցվել է 2023 թվականի փետրվարի 17-ին:

 EG.5-ը շրջանառվում է Եվրոպական երկրներում, ԱՄՆ-ում, ՌԴ-ում և օգոստոսի վերջից՝ նաև Վրաստանում: EG.5-ը COVID-19-ի վերջին տարբերակն է, որը շատ սերտորեն կապված է Omicron XBB տարբերակների հետ:

 Նոր ենթատեսակի ախտանշանները նույնն են՝ հազ, փռշտոց, հարբուխ, գլխացավ, մկանացավ և այլն: Այս պահի դրությամբ` EG.5-ի պատճառով հիվանդության «ծանրության» վերաբերյալ հաղորդումներ չկան:

 Վերջին 7 օրվա ընթացքում արձանագրվել է COVID-19-ի 217 դեպք, ինչը նախորդ նույն ժամանակահատվածի համեմատ (122 դեպք) աճել է 95-ով (43.7%): Այս պահի դրությամբ` վարակի վերարտադրության ցուցանիշը (7 օրվա հաշվարկով) կազմում է Rt=1.4: